KUBBU E MINDOMO

Ola! Outra vez estou aquí para ensinarvos novas ferramentas para empregar na aula. Despois de lidiar con varias opcións ao final escollín dúas moi chulas. Desta vez centreime na temática da alimentación pero desde dous puntos de vista totalmente diferentes.

A primeira opción é unha actividade na que se lle presentan ao alumnado un conxunto de palabras (de alimentos) e ten que clasificalas segundo a súa orixe: animal, vexetal ou mineral. Está realizada con Kubbu, unha plataforma gratuita que permite xerar diversos tipos de actividades didácticas e que é moi sinxela de usar. Podedes ver a actividade premendo nesta palabriña.

A segunda opción está creada coa ferramenta Mindomo. O seu uso é sinxelo e gustoume xa que me permitiu crear un mapa conceptual (ao meu gusto) co cal traballar de forma directa e concisa os diferentes problemas relacionados coa alimentación: trastornos, intolerancias e alerxias. Deste xeito o alumnado pode empregalo como método de estudo ou coma un apoio. Podedes velo se premedes aquí.

Espero que vos sigan gustando as miñas aportacións. Ata a próxima a todos e a todas!