RECURSOS EDUCATIVOS DE EDUCAPLAY

Moi boas! Hoxe volvo para profundizar en Educaplay, un programa que nos permite crear numerosos recursos educativos online de maneira moi sinxela e rápida. A súa variedade axúdanos a innovar na creación de actividades para aportar diversas opcións ao alumnado. Nesta ocasión eu escollín tres tipos cos que traballar varios ámbitos.

A primeira opción é unha sopa de letras na que a persoa debe atopar 14 palabras relacionadas coa actividade física e o deporte.

Como segundo tipo presento un pequeno texto para completar que nos aporta información básica sobre a hixiene diaria das persoas. Nel debemos ir introducindo palabras que faltan (e que se atopan á marxe) para que teña sentido e poidamos comprender os consellos que nos di.

Por último, creei un test que está conformado por 12 preguntas que tratan sobre o medio ambiente, as súas problemáticas e coidados.

Espero que vos sirvan de axuda para aprender e reforzar coñecementos á vez que vos divertides xogando! Ata a próxima!! 

Ah! Que me esquecía... agora adxunto tamén a miña colección de actividades sobre o tema.