EDILIM

Olaa! Estou aquí para ensinarvos novas actividades que fixen coa ferramenta EdiLim. É moi doado traballar con ela e ademais ten unha variedade moi ampla de actividades polo que podes escoller a que máis se axusta ás túas necesidades.

A primeira que fixen é a de preguntas. Nela hai 4 cuestións básicas relativas á alimentación, nas que o alumno ou alumna debe responder de maneira sinxela e concreta.

Na segunda aparecen 5 oracións nas que se abordan diferentes problemáticas que afectan ao medio ambiente. En cada unha falta unha palabra ou varias palabras, que saen na parte inferior, e a persoa debe completar cada frase co termo ou termos que correspondan.

Espero que vos sexan útiles e que vos sigan gustando as miñas aportacións! Premendo aquí podedes ver as actividades.

Un saúdo a todos e a todas e ata moi prontiño!