RECURSOS AUDIOVISUAIS

Ola! Aquí estou de volta para seguir amosándovos cousas moi interesantes!

Desta vez quero nomear dúas ferramentas que nos permiten realizar recursos audiovisuais para a aula. Unha é Educaplay, coa que realicei un vídeo con preguntas relacionadas co explicado no filme (videoquiz). A outra é Pixton, que me permtiu crear un cómic ao meu gusto.

Ambas son xeniais pero quero falarvos en concreto de Educaplay. É unha ferramenta moi completa (con moitos tipos de actividades) pero que eu usei para facer un videoquiz. Tras titular a actividade e enmarcala en canto a grupo de idade e materia se refire, pasei a realizar a actividade. Primeiro escollín un vídeo (en relación á alimentación e o medio ambiente) que insertei na ferramenta online. De seguido redactei varias preguntas sobre o tema do vídeo con tres posibilidades de resposta pero só unha correcta, e fun colocándoas ao longo do vídeo axustando as secuencias nas que quería que se realizasen. Estas preguntas están agrupadas por orde segundo os temas que se van tratando no filme. Finalmente fixen unha vista previa do vídeo por completo e publiquei a actividade. É unha ferramenta moi completa e sinxela de usar que nos permite crear actividades atractivas para o alumnado coas que traballar contidos importantes dun xeito lúdico e incorporando as TIC á aula.

Espero que vos guste a miña selección e que vos sirva de axuda. Ata a próxima!