RECURSOS PARA A AULA DE PRIMARIA

Ola de novo!

Despois de revisar numerosas opcións quero presentarvos os tres recursos que elexin xa que son os que máis me gustaron para traballar na aula os hábitos de vida saudable.

A primeira elección foi o xogo “Alimentación equilibrada” que me gustou moito xa que explica todo o relacionado cunha boa alimentación (tipos de alimentos, frecuencia de consumo, calorías, elaboración de menús saudables, etc.), de xeito sinxelo e claro. Ten unha apariencia moi atractiva e as actividades son moi completas e fáciles de entender, ademais de que permiten ser repetidas sempre que se precise.

A segunda elección foi o xogo “Limpios y requetelimpios” que está orientado a profesorado e alumnado. De forma moi lúdica e atractiva permite aprender conceptos relevantes sobre hábitos de hixiene ambiental e persoal de modo práctico. Ademais permite adecuar o seu uso a persoas con algunha necesidade específica; algo que é moi importante.

Por último, o xogo “Crezco feliz”, presenta actividades moi sinxelas e interesantes permitindo ao alumnado adquirir coñecementos sobre diferentes enfermidades, hábitos saudables e pautas de mellora, polo que me parece moi interesante.